Nýggjar brillur?
Manglar tú, makin ella kanska børnini brillur? Fyri summi er hetta eitt stórt stig at taka. Men at byrja at brúka brillur hevur í grundini ikki so nógv upp á seg.
Vit hjálpa tær í at finna stellið, sum klæðir tær best. Hevur tú t.d. eitt runt andlit, er best at finna einar kantutar brillur, so andlitið ikki tykist rundari enn gott er. Og øvut hevur tú klænt andlit kunnu einar rundari brillur minka um markeringarnar.
Minst til, at brillurnar eru tað fyrsta, tú letur teg í um morgunin, og tað síðsta, tú letur teg úr um kvøldið. Tí mugu brillurnar, tú velur, eisini vera góðar og snøggar, so tú fært eina loysn, sum tær dámar.
